🗳️ पहिल्या टप्प्यात नगरपालिका निवडणुकीचा बिगुल वाजणार!

•स्थानिक निवडणुका तीन टप्प्यात होणार; बुधवारी निवडणूक आयोगाची पत्रकार परिषद शक्य

खान्देश चा सरपंच वृत्तसेवा

आगामी स्थानिक स्वराज्य संस्थांच्या निवडणुकांची आपणा सर्वांना उत्सुकता लागली आहे. त्यासंदर्भात निवडणूक आयोगाच्या हालचाली सुरू झाल्या आहेत. राज्यातील नगरपरिषद आणि नगरपालिकांच्या निवडणुकांचा मार्ग मोकळा झाला असून उमेदवारीच्या आरक्षणाची प्रक्रिया पूर्ण झाली आहे, आता निवडणुकीचा कार्यक्रमही जाहीर होणार आहे.राज्यात एकूण २९६ नगरपालिका, ३२ जिल्हा परिषद, ३३९ पंचायत समित्या आणि २२ महापालिका या निवडणुकांमध्ये सहभागी होणार आहेत.स्रोतांच्या माहितीनुसार निवडणुका तीन टप्प्यात पार पडणार आहेत.

📅 पहिल्या टप्प्यात नगरपालिका,

📅 दुसऱ्या टप्प्यात जिल्हा परिषद आणि पंचायत समित्या,

📅 तिसऱ्या टप्प्यात महापालिका निवडणुका घेण्यात येतील.

राज्य निवडणूक आयोग बुधवारी पत्रकार परिषद घेऊन अधिकृत कार्यक्रम जाहीर करण्याची शक्यता आहे.सर्व सरकारी कार्यालयांमध्ये यासाठी हालचाली सुरू झाल्या असून, निवडणूक खर्चासाठी निधीची मागणी देखील करण्यात आली आहे.